ՆԿԱՐԱԳՐՈՒԹՅՈՒՆՆԵՐ
SUZUKI SX4` ԼԱՎ ՄՈՌԱՑՎԱԾ ՀԻՆԸ
15 Մարտ 2013
Շարունակում ենք ներկայացնել վերջերս ավարտված Ժնևի ավտոսրահի առավել հետաքրքիր ու հեռանկարային նորույթները: Այսօր հերթը Suzuki –ի նոր քրոսովերինն է, որն ունի արդեն ծանոթ SX4 անավնումը: Նոր քրոսովերը նախագծված է S-Cross կոնցեպտի վրա, որը ցուցադրվել է անցած տարի Փարիզում:
ԱՊԱԳԱՆ ՆՇԱՆԱԿԵՏՈՒՄ
Suzuki-ի դիզայներները նոր պրոեկտի նախագծումն սկսեցին` որպես ներկայիս SX4 մոդելի տրամաբանական զարգացում: Սակայն, հետևլով պոտենցիալ գնորդների ակնկալիքներին, մանավանդ եվրոպական երկների բնակչությանը, նրանք որոշեցին ստեղծել ավելի մեծ մի մեքենա: Տեղափոխվելով ավելի բարձր` C սեգմենտ, նոր մոդելը ժառանգել է SX4 անվանումը, ինչը խորհրդանշում է, որ Suzuki –ն (ներկայացված է "S” տառով)հանդիսանում է քրոսովերների սեգմենտի և լիաքարշ համակարգի առաջնեկներից մեկը (մարմնավորվում է համապատասխանաբար "X” և "4” նշաններով):
Նոր SX4 Crossover-ը նախագծելիս` կիրառվել են բազում նորագույն տեխնոլոգիաներ, որոնք վերջնական արտադրանքին հաղորդեցին հատուկ ոճ, գերազանց ֆունկցիոնալություն և խնայողություն: Այս մոդելը կոչված է դառնալ իրական ունիվերսալ, որը հաճույք է պարգևում վարելուց և ծառայում է առօրյա կյանքի հուսալի ուղեկից:
SX4 Crossover մոդելն արտադրվելու է ընկերության Հունգարիայումկ գտնվող գործարանում, և ենթադրվում է, որ վաճառիք կհանվի արդեն 2013թ. աշնանը: Ժնևյան ցուցադրումը նշանավորեց շուկայական մասնաբաժնի ավելացման Suzuki –ի մեծ պլանների իրականացման սկիզբը, որտեղ հունգարական ստորաբաժանմանը վիճակված է առաջատար դերերից մեկը:
ՈՃ ԵՎ ԱՌՕՐՅԱ ՀԱՐՄԱՐԱՎԵՏՈՒԹՅՈՒՆ
Այս ավտոմեքենայի համար, որը պետք է նոր շունչ հաղորդի Suzuki-ի մոդելային շարքին, նախագծվել են հատուկ տեխնոլոգիաներ և առաջարկվել առանձնահատուկ լուծումներ, ոորնց շնորհիվ մեքենան պետք է գրավի պոտենցիալ գնորդներին:
C դասի քրոսովերի չափսերը թույլ են տվել SX4 Crossover-ը դարձնել առաջատար ուղևորների համար ազատ տարածության և բեռնախցիկի ծավալի (430 լ) առումով: Մեքնայում կիրառվել է լիաքարշ համակարգի բոլորովին նոր ALLGRIP տեխնոլոգիա, որը թույլ է տալիս ընտրել ընթացքի ռեժիմը` կախված ճանապարհային իրավիճակից: Առաջին անգամ պրատիկայում առաջարկվում է կրկնակի սահող արևային տանիք: Պետք է նշել, որ ավտոմեքենայի դիզայնի մեջ կիրառվել է "զգացմունք, որակ և աերոդինամիկա” կոնցեպցիան: Արտաքիննի մեջ զգացմունքայնությունն արտացոլվում է հետևի լուսամփոփների օրիգինալ համադրության, ուժ և լրջություն արտահայտող կլորավուն կապոտի մեջ: Թափքի իրականացման որակն ընդգծվում է բազմաթիվ քրոմապատ տարրերով, առջևի լուսարձակների LED ներդիրներով, իսկ աերոդինամիկ մոտեցումը դրսևորվում է տանիքի կորավուն գծերում, կողային հատվածների սահուն լուծումներում ու նույնիսկ արտաքին հայելիների ձևում: Ճապոնացիներն առաջարկում են թափքի տասը գունային լուծումներ, որոնց թվում նաև երկու բացառիկ գույն`Crystal Lyme Metallic և Amethyst Grey Pearl Metallic:
Նույն մոտեցումը կիրառվել է նաև Սուզուկի SX4 Crossover-ի ինտերյերում: Սարքավորումների լայն ու դինամիկ վահանակը պատրաստված է փափուկ հաճելի նյութից: Արծաթագույն ներդիրներն ընդգծում են սրահում գերիշխող սև գույնի էլեգանտությունը:
Նոր մոդելի համար առաջարկվում են 1.6 լ ծավալով բենզինային ու դիզելային շարժիչներ, ինչպես նաև մեխանիկական և CVT փոխանցումատուփեր: Առավելագույն խնայողության համար կիրառվել է Engine Auto Start Stop (EASS) տեխնոլոգիան որը թույլ է տալիս նվազեցնել վառելիքի ծախսը, աղմուկի ու տատանումների մակարդակն ու վնասակար արտանետումների քանակը:
Նախագծողների խնդիրն էր` ստեղծել մի մեքենա, որը կհամապատասխանի Euro NCAP խիստ պահանջներին: Այդ նպատակով մեքենան համալրվել է ակտիվ ու պասիվ անվտանգության նորագույն տեխնոլոգիաներով` նախատեսված թե ուղևորների, թե հետիոտների պաշտպանության համար:
ՈՐՈՇ ՏԵԽՆԻԿԱԿԱՆ ՏՎՅԱԼՆԵՐ
Հարմարավետության
համար առաջարկում ենք ծանոթանալ նաև նոր SX4 Crossover-ի և ներկայիս սերնդի SX4 մոդելի համեմատական որոշ տվյալների հետ:
SX4 Crossover SX4
Երկարություն, մմ` 4300 4135
Բարձրություն, մմ 1765 1755
Անվային բազա, մմ 1575 1565
Բեռնախցիկ, լ 430 270
Անվադողեր` 205/60R16 205/60R16
205/50R17